I-download ang Temple Square App
Available na ngayon. Ang app ay iyong gabay sa mismong lugar para sa paghahanap ng mapupuntahan, pagkuha ng tiket, mga iskedyul, at mga bagay na madalas itanong (FAQs).
Temple Discovery Experiences [Mga Karanasan sa Pagtuklas sa mga Templo]
Ang Temple Discovery Experiences ay isang koleksiyon ng mga interaktibong eksibit sa ibabang palapag ng Temple Square Visitors’ Center na dinisenyo upang tulungan ang mga bisita na maunawaan ang layunin ng mga templo at ang kanilang lugar sa plano ng Diyos para sa Kanyang mga anak.
Sa pamamagitan ng sining, digital media, iskultura, at mga nakakaengganyong karanasan, tinutuklas ng mga bisita ang mga tema ng pamilya, paglilingkod, pagiging kabilang, at pagsamba na nakasentro kay Jesucristo. Itinatampok ng mga eksibit kung paano magkakaugnay ang mga indibidwal at pamilya sa iba’t ibang henerasyon, kung paano pinagpapala ng mga templo ang mga buhay sa buong mundo, at kung paano humahantong sa paglilingkod at pagkakaisa ang pagsunod kay Cristo.
Madaling maunawaan at nakakaengganyo, ang Mga Karanasan sa Pagtuklas sa mga Templo ay nagbibigay ng karagdagang konteksto sa Inside a Temple Tour [Paglilibot sa Loob ng Templo], na nasa ibabang palapag din.
Sa pamamagitan ng sining, digital media, iskultura, at mga nakakaengganyong karanasan, tinutuklas ng mga bisita ang mga tema ng pamilya, paglilingkod, pagiging kabilang, at pagsamba na nakasentro kay Jesucristo. Itinatampok ng mga eksibit kung paano magkakaugnay ang mga indibidwal at pamilya sa iba’t ibang henerasyon, kung paano pinagpapala ng mga templo ang mga buhay sa buong mundo, at kung paano humahantong sa paglilingkod at pagkakaisa ang pagsunod kay Cristo.
Madaling maunawaan at nakakaengganyo, ang Mga Karanasan sa Pagtuklas sa mga Templo ay nagbibigay ng karagdagang konteksto sa Inside a Temple Tour [Paglilibot sa Loob ng Templo], na nasa ibabang palapag din.
Mga Bagay na Magagawa sa Malapit
- landmark
Christ Carrying the Cross [Si Cristo na Pasan ang Krus]
Ipinapakita ng estatwang ito si Jesucristo na pasan ang Kanyang krus patungong Kalbaryo. Bagama’t naharap Siya sa pasakit at pagtanggi, tumugon Siya nang may awa at kapatawaran. Ipinapaalala nito sa atin na kusang-loob na ibinigay ni Cristo ang Kanyang buhay para sa sangkatauhan, at sa pamamagitan Niya, makakahanap tayo ng lakas, awa, at walang hanggang pag-asa.
- landmark
Base at Meridian [Batayan at Meridyano]
Itinatag noong 1847, ang marker na ito ang naging sangguniang punto para sa sistema ng mga kalye ng Salt Lake City. Matatagpuan sa Temple Square, sumasalamin ito sa kung paano itinayo ng mga pioneer nang may kaayusan at pananampalataya, literal na isinentro ang lungsod sa templo—ang bahay ng Panginoong Jesucristo.
- landmark
Come Unto Me [Lumapit Ka Sa Akin]
Ang bagong ipinagawa na eskulturang ito ay naglalarawan kay Jesucristo na iniuunat ang Kanyang braso nang may lakas at habag. Inspirado ng Kanyang paanyaya na “lumapit sa akin,” ipinapakita nito ang Kanyang kahandaang tumanggap, tumulong, at magbigay ng kapayapaan sa lahat ng bumabaling sa Kanya.
- landmark
Christ and the Children [Si Cristo at ang mga Bata]
Inilalarawan ng estatwang ito si Jesucristo pagkatapos ng Kanyang Pagkabuhay na Mag-uli, na inaanyayahan ang mga bata sa mga sinaunang lupain ng Amerika na lumapit sa Kanya. Isa-isa Niya silang binasbasan at ipinagdasal, na ipinapakita ang Kanyang pagmamahal sa lahat ng bata at ang kapayapaan at kagalakang matatagpuan sa pamamagitan ng pananampalataya sa Kanya.
- landmark
Brigham Young Statue [Estatwa ni Brigham Young]
Itinatampok ng bantayog na ito si Brigham Young at ang iba pa na may kaugnayan sa mga unang bahagi ng kasaysayan ng Salt Lake Valley. Sa pamamagitan ng mga eskultura at mga inskripsiyon, nagbibigay-pugay ito sa magkakaibang tao at mga landas na humubog sa pagsisimula ng lungsod.
Bagay na Madalas Itanong (FAQ)
Alamin Bago Pumunta
Simulan na ang pagdiriwang!
Samahan kami para sa isang di-malilimutang karanasan mula Abril 5 hanggang Oktubre 1, 2027. Ang lahat ay malugod na tinatanggap. Ang mga reserbasyon ay inirerekomenda upang makapag-tour sa Open House ng Salt Lake Temple.