I-download ang Temple Square App
Available na ngayon. Ang app ay iyong gabay sa mismong lugar para sa paghahanap ng mapupuntahan, pagkuha ng tiket, mga iskedyul, at mga bagay na madalas itanong (FAQs).
Christ Carrying the Cross [Si Cristo na Pasan ang Krus]
Ang estatwang Christ Carrying the Cross sa Temple Square ay gumugunita sa landas ng Tagapagligtas patungong Kalbaryo. Bagama’t idineklarang inosente ng Romanong gobernador, si Jesucristo ay hinatulan ng karamihan. Kinutya Siya ng mga sundalo, hinagupit Siya, at ipinasan ang isang mabigat na krus sa Kanyang mga balikat.
Habang pasan Niya ang krus, maraming tao ang sumunod at umiyak. Kahit na dumanas ng kalupitan at pagtanggi, tumugon si Jesucristo nang may awa. Mula sa krus, nanalangin Siya para sa mga nagpako sa Kanya sa krus, sinasabing, “Ama, patawarin mo sila.” Matapos tiisin ang paghihirap ng pagpapako sa krus, ipinahayag Niya, “Natupad na,” at kusang-loob na ibinigay ang Kanyang buhay.
Ang estatwang ito ay isang taimtim na paalala ng pagmamahal at sakripisyo ni Cristo. Ipinapakita nito na sa pamamagitan ng Kanyang pagdurusa at kamatayan, tinupad ni Jesucristo ang plano ng Diyos at nag-alok Siya ng kapatawaran, pagtitiis, at walang hanggang pag-asa sa lahat.
Habang pasan Niya ang krus, maraming tao ang sumunod at umiyak. Kahit na dumanas ng kalupitan at pagtanggi, tumugon si Jesucristo nang may awa. Mula sa krus, nanalangin Siya para sa mga nagpako sa Kanya sa krus, sinasabing, “Ama, patawarin mo sila.” Matapos tiisin ang paghihirap ng pagpapako sa krus, ipinahayag Niya, “Natupad na,” at kusang-loob na ibinigay ang Kanyang buhay.
Ang estatwang ito ay isang taimtim na paalala ng pagmamahal at sakripisyo ni Cristo. Ipinapakita nito na sa pamamagitan ng Kanyang pagdurusa at kamatayan, tinupad ni Jesucristo ang plano ng Diyos at nag-alok Siya ng kapatawaran, pagtitiis, at walang hanggang pag-asa sa lahat.
Mga Bagay na Magagawa sa Malapit
- landmark
Christ and the Children [Si Cristo at ang mga Bata]
Inilalarawan ng estatwang ito si Jesucristo pagkatapos ng Kanyang Pagkabuhay na Mag-uli, na inaanyayahan ang mga bata sa mga sinaunang lupain ng Amerika na lumapit sa Kanya. Isa-isa Niya silang binasbasan at ipinagdasal, na ipinapakita ang Kanyang pagmamahal sa lahat ng bata at ang kapayapaan at kagalakang matatagpuan sa pamamagitan ng pananampalataya sa Kanya.
- landmark
Modelo ng Salt Lake Temple
Ang detalyadong scale model na ito ay nag-aalok ng isang pambihirang pasilip sa loob ng Salt Lake Temple. Sa isang maikling presentasyon, bumubukas ang mga dingding upang ipakita ang mga loob ng silid habang ipinapaliwanag ng pagsasalaysay at musika ang nangyayari sa mga templo at kung bakit mahalaga ang mga ito sa mga tagasunod ni Jesucristo.
- eksibit
Temple Discovery Experiences [Mga Karanasan sa Pagtuklas sa mga Templo]
Matatagpuan sa ibabang palapag ng Visitors’ Center, ang seryeng ito ng mga eksibit ay nakatuon sa mga koneksiyon ng pamilya, paglilingkod, at mga templo sa buong mundo.
- landmark
Come Unto Me [Lumapit Ka Sa Akin]
Ang bagong ipinagawa na eskulturang ito ay naglalarawan kay Jesucristo na iniuunat ang Kanyang braso nang may lakas at habag. Inspirado ng Kanyang paanyaya na “lumapit sa akin,” ipinapakita nito ang Kanyang kahandaang tumanggap, tumulong, at magbigay ng kapayapaan sa lahat ng bumabaling sa Kanya.
- landmark
Christ in Gethsemane [Si Cristo sa Getsemani]
Sa Getsemani, lumuhod si Jesucristo sa panalangin at tiniis Niya ang sakit, kalungkutan, at mga kasalanan ng mundo. Ang estatwang ito ay nagbibigay-pugay sa Kanyang gawain ng pagmamahal at nag-aanyaya ng pagninilay-nilay sa lakas, kapayapaan, at pag-asa na matatagpuan sa pamamagitan Niya.
Bagay na Madalas Itanong (FAQ)
Alamin Bago Pumunta
Simulan na ang pagdiriwang!
Samahan kami para sa isang di-malilimutang karanasan mula Abril 5 hanggang Oktubre 1, 2027. Ang lahat ay malugod na tinatanggap. Ang mga reserbasyon ay inirerekomenda upang makapag-tour sa Open House ng Salt Lake Temple.