Ang Brigham Young Statue ay nakatayo sa Temple Square sa sentro ng downtown Salt Lake City. Ang gitnang estatwa ay nagbibigay-pugay kay Brigham Young, ang propeta at pangulo noon ng Ang Simbahan ni Jesucristo ng mga Banal sa mga Huling Araw, na namuno sa mga pioneer patungo sa Salt Lake Valley noong 1847.

Nakapalibot sa gitnang pigura, ang bantayog ay kinabibilangan ng mga karagdagang eskultura na nagpapalawak sa kuwento. Ang isang Native American na pigura at isang fur trapper [isang taong nangangaso para makakuha ng balahibo ng mga hayop] ay kumakatawan sa mga taong nanirahan at lumipat sa rehiyon bago pa dumating ang mga pioneer. Ang isang relief panel na naglalarawan ng isang pamilyang pioneer ay sumasalamin sa pang-araw-araw na karanasan ng mga settler, habang ang mga inskripsiyon ay naglilista ng mga miyembro ng orihinal na grupo ng mga pioneer at mga kagamitang dala nila.

Nilikha ng eskultor na si Cyrus Edward Dallin, ang bantayog ay idinispley sa 1893 Chicago World’s Fair. Ngayon, ito ay isang paalala ng pananampalataya at pag-asa ng maraming tao na konektado sa unang bahagi ng kasaysayan ng Salt Lake City.