I-download ang Temple Square App
Available na ngayon. Ang app ay iyong gabay sa mismong lugar para sa paghahanap ng mapupuntahan, pagkuha ng tiket, mga iskedyul, at mga bagay na madalas itanong (FAQs).
Christ with Mary and Martha [Si Cristo kasama sina Maria at Marta]
Paparating na. Available na tingnan sa Taglagas ng 2026.
Ang estatwang Christ with Mary and Martha ay naglalarawan ng isang madamdaming sandali sa Bagong Tipan. Nang dumalaw si Jesucristo sa kanilang tahanan, umupo si Maria sa Kanyang paanan upang makinig at matuto, habang si Marta ay nagtatrabaho upang maglingkod sa Kanya. Dahil sa labis na pagkabalisa, nagpahayag ng pag-aalala si Marta na naiwan siyang mag-isa sa paggawa. Tumugon ang Tagapagligtas nang may mahinahong tagubilin, na nagtuturong ang pag-aaral mula sa Kanya ay “kailangan.”
Kapwa sina Maria at Marta ay patuloy na sumunod nang tapat sa Tagapagligtas. Kalaunan, nagpatotoo si Marta, “Sumasampalataya ako na ikaw ang Cristo, ang Anak ng Diyos” (Juan 11:27), na nagpapakita ng kanyang malalim na pananampalataya at debosyon.
Inaanyayahan ng eksenang ito ang manonood na pagnilayan ang mga personal na priyoridad. Bagaman mahalaga ang paglilingkod at responsibilidad, ipinapaalala sa atin ng estatwa na ang pangmatagalang kapayapaan at kagalakan ay dumarating kapag itinuon natin ang ating mga buhay kay Jesucristo at sa Kanyang mga turo.
Ang estatwang Christ with Mary and Martha ay naglalarawan ng isang madamdaming sandali sa Bagong Tipan. Nang dumalaw si Jesucristo sa kanilang tahanan, umupo si Maria sa Kanyang paanan upang makinig at matuto, habang si Marta ay nagtatrabaho upang maglingkod sa Kanya. Dahil sa labis na pagkabalisa, nagpahayag ng pag-aalala si Marta na naiwan siyang mag-isa sa paggawa. Tumugon ang Tagapagligtas nang may mahinahong tagubilin, na nagtuturong ang pag-aaral mula sa Kanya ay “kailangan.”
Kapwa sina Maria at Marta ay patuloy na sumunod nang tapat sa Tagapagligtas. Kalaunan, nagpatotoo si Marta, “Sumasampalataya ako na ikaw ang Cristo, ang Anak ng Diyos” (Juan 11:27), na nagpapakita ng kanyang malalim na pananampalataya at debosyon.
Inaanyayahan ng eksenang ito ang manonood na pagnilayan ang mga personal na priyoridad. Bagaman mahalaga ang paglilingkod at responsibilidad, ipinapaalala sa atin ng estatwa na ang pangmatagalang kapayapaan at kagalakan ay dumarating kapag itinuon natin ang ating mga buhay kay Jesucristo at sa Kanyang mga turo.
Mga Bagay na Magagawa sa Malapit
- landmark
Christus Statue [Estatwa ng Christus]
Masiyahan sa isang tahimik na sandali kasama ang isang replika ng Christus ni Thorvaldsen sa isang mapitagang pavilion kung saan tanaw ang Salt Lake Temple. Ang espasyo ay kinabibilangan ng “buhay na likhang-sining” ng buhay ng Tagapagligtas at ng isang maikling audio na presentasyong inihahandog kada 30 minuto. Ang estatwa ay nasa kanlurang pavilion ng Visitors’ Center.
- landmark
Christ in Gethsemane [Si Cristo sa Getsemani]
Sa Getsemani, lumuhod si Jesucristo sa panalangin at tiniis Niya ang sakit, kalungkutan, at mga kasalanan ng mundo. Ang estatwang ito ay nagbibigay-pugay sa Kanyang gawain ng pagmamahal at nag-aanyaya ng pagninilay-nilay sa lakas, kapayapaan, at pag-asa na matatagpuan sa pamamagitan Niya.
- landmark
Come Unto Me [Lumapit Ka Sa Akin]
Ang bagong ipinagawa na eskulturang ito ay naglalarawan kay Jesucristo na iniuunat ang Kanyang braso nang may lakas at habag. Inspirado ng Kanyang paanyaya na “lumapit sa akin,” ipinapakita nito ang Kanyang kahandaang tumanggap, tumulong, at magbigay ng kapayapaan sa lahat ng bumabaling sa Kanya.
- landmark
Jesus Christ Ordains the Apostles [Inoordenan ni Cristo ang mga Apostol]
Inilalarawan ng estatwang ito si Jesucristo na inoordenan ang Kanyang mga Apostol at binibigyan sila ng awtoridad na kumilos sa pangalan ng Diyos. Isinugo upang magturo, magpagaling, at maglingkod, ipinapakita nila kung paano humahantong ang pananampalataya kay Cristo sa makabuluhang pagkilos na patuloy na nagpapala sa mga buhay ngayon.
- landmark
Christ and the Children [Si Cristo at ang mga Bata]
Inilalarawan ng estatwang ito si Jesucristo pagkatapos ng Kanyang Pagkabuhay na Mag-uli, na inaanyayahan ang mga bata sa mga sinaunang lupain ng Amerika na lumapit sa Kanya. Isa-isa Niya silang binasbasan at ipinagdasal, na ipinapakita ang Kanyang pagmamahal sa lahat ng bata at ang kapayapaan at kagalakang matatagpuan sa pamamagitan ng pananampalataya sa Kanya.
Bagay na Madalas Itanong (FAQ)
Alamin Bago Pumunta
Simulan na ang pagdiriwang!
Samahan kami para sa isang di-malilimutang karanasan mula Abril 5 hanggang Oktubre 1, 2027. Ang lahat ay malugod na tinatanggap. Ang mga reserbasyon ay inirerekomenda upang makapag-tour sa Salt Lake Temple Open House.