I-download ang Temple Square App
Available na ngayon. Ang app ay iyong gabay sa mismong lugar para sa paghahanap ng mapupuntahan, pagkuha ng tiket, mga iskedyul, at mga bagay na madalas itanong (FAQs).
Fitly Framed Together: Stories of the Salt Lake Temple [Nakalapat na Mabuti: Mga Kuwento ng Salt Lake Temple]
Kasalukuyang sarado para sa renobasyon. Magbubukas sa Taglamig ng 2026.
Ipinagdiriwang ng Fitly Framed Together ang mga henerasyon ng mga indibidwal na ang pananampalataya, sakripisyo, at kahusayan sa paggawa ay humubog sa Salt Lake Temple. Sa pamamagitan ng mga artifact, litrato, at personal na kuwento, sinisiyasat ng eksibit kung paano nagtulungan ang mga arkitekto, mga stonemason, mga artist, mga craftspeople, mga sumasamba, at mga miyembro ng Simbahan sa paglipas ng panahon upang itayo, pagandahin, patatagin, at pangalagaan ang sagradong bahay na ito ng Panginoon.
Maaaring makita ng mga bisita ang mga orihinal na arkitektural na drowing, makasaysayang kagamitan sa pagtatayo, kasangkapan mula sa sinaunang templo, at interaktibong karanasan na nagbibigay-buhay sa kuwento ng templo. Itinatampok din ng eksibit kung paano umangkop ang templo sa paglipas ng panahon upang matugunan ang mga nagbabagong pangangailangan ng mga miyembro ng Simbahan. Matututuhan mo ang tungkol sa mga pangunahing pagsisikap upang patatagin ang gusali para sa mga susunod na henerasyon habang nagbibigay-pugay sa pamana ng mga pioneer at sagradong layunin nito.
Ipinapakita ng eksibit kung paano inialay ng mga ordinaryong tao ang kanilang mga kakayahan, talento, paggawa, at pananampalataya kay Jesucristo upang lumikha ng isang bagay na nagtatagal—isang pangmatagalang lugar ng pagsamba na nilayong pagpalain ang mga susunod na henerasyon.
Ipinagdiriwang ng Fitly Framed Together ang mga henerasyon ng mga indibidwal na ang pananampalataya, sakripisyo, at kahusayan sa paggawa ay humubog sa Salt Lake Temple. Sa pamamagitan ng mga artifact, litrato, at personal na kuwento, sinisiyasat ng eksibit kung paano nagtulungan ang mga arkitekto, mga stonemason, mga artist, mga craftspeople, mga sumasamba, at mga miyembro ng Simbahan sa paglipas ng panahon upang itayo, pagandahin, patatagin, at pangalagaan ang sagradong bahay na ito ng Panginoon.
Maaaring makita ng mga bisita ang mga orihinal na arkitektural na drowing, makasaysayang kagamitan sa pagtatayo, kasangkapan mula sa sinaunang templo, at interaktibong karanasan na nagbibigay-buhay sa kuwento ng templo. Itinatampok din ng eksibit kung paano umangkop ang templo sa paglipas ng panahon upang matugunan ang mga nagbabagong pangangailangan ng mga miyembro ng Simbahan. Matututuhan mo ang tungkol sa mga pangunahing pagsisikap upang patatagin ang gusali para sa mga susunod na henerasyon habang nagbibigay-pugay sa pamana ng mga pioneer at sagradong layunin nito.
Ipinapakita ng eksibit kung paano inialay ng mga ordinaryong tao ang kanilang mga kakayahan, talento, paggawa, at pananampalataya kay Jesucristo upang lumikha ng isang bagay na nagtatagal—isang pangmatagalang lugar ng pagsamba na nilayong pagpalain ang mga susunod na henerasyon.
Mga Bagay na Magagawa sa Malapit
- eksibit
A Firm Foundation [Isang Matibay na Saligan]
Sinasaliksik ng pampamilyang eksibit na ito ang mga pisikal at espirituwal na saligan gamit ang kuwento ng Salt Lake Temple. Ang mga bata ay maaaring sumubok ng isang earthquake table, kumuha ng mga litrato sa isang pamatok ng baka, at mag-isip tungkol sa pagbuo ng espirituwal na saligan kay Jesucristo.
- eksibit
Historical Stage [Makasaysayang Entablo]
Tampok sa lugar na ito para sa live na pagtatanghal ang musika, sayaw, at pagkukuwento na inspirado ng kasaysayan ng Salt Lake Temple. Nagbabahagi ang mga talentadong lokal na tagapagtanghal ng mga kuwento ng pananampalataya, dedikasyon, at tiyaga na nakatulong sa paghubog ng Temple Square.
- aktibidad
Planting Family Trees [Pagtatanim ng mga Family Tree]
Idinisenyo para sa mga bata at pamilya, ipinakikilala ng interactive na eksibit na ito ang family history sa pamamagitan ng mga simple at praktikal na aktibidad. Ang mga batang bisita ay maaaring bumuo ng mga family tree, ipagdiwang ang mga paboritong alaala ng pamilya, at ipagdiwang ang pagiging kabilang sa isang pamilya.
- eksibit
Family Discovery Experience [Karanasan sa Pagtuklas ng Pamilya]
Ang karanasang ito na angkop para sa pamilya ay tumutulong sa mga bisita na tumuklas ng mga ninuno, pamana, at personal na ugnayan sa pamamagitan ng mga interaktibong display at mga digital na kagamitan sa loob ng FamilySearch Library.
- landmark
Deuel Cabin [Cabin ng mga Deuel]
Ang Deuel Cabin ay nag-aalok ng sulyap sa buhay ng mga pioneer sa mga unang buwan ng paninirahan sa Salt Lake Valley. Itinayo noong 1847, ang maliit na bahay na yari sa troso ay sumasalamin sa pananampalataya, pagsusumikap, at determinasyon ng mga naunang pamilyang Banal sa mga Huling Araw.
Bagay na Madalas Itanong (FAQ)
Alamin Bago Pumunta
Simulan na ang pagdiriwang!
Samahan kami para sa isang di-malilimutang karanasan mula Abril 5 hanggang Oktubre 1, 2027. Ang lahat ay malugod na tinatanggap. Ang mga reserbasyon ay inirerekomenda upang makapag-tour sa Salt Lake Temple Open House.