Pumasok sa pinakamalaking aklatan ng talaangkanan sa mundo kung saan 8 bilyong pangalan ang naghihintay na magsalaysay ng kanilang mga kuwento—kasama na ang sa iyo. Taglay ang bilyun-bilyong rekord mula sa mahigit 100 bansa, state-of-the-art na teknolohiya, at mga eksperto sa maraming wika, ang lahat ay malugod na inaanyayahang siyasatin ang kanilang pamana.

Matutulungan ka ng mga boluntaryo at kawani na gawing makabuluhang mga kuwento ang mga pangalan at petsa. Iakses ang mga eksklusibong rekord tulad ng mga manifesto ng pampasaherong barko na nagpapakita ng lagda ng iyong ninuno, mga rekord ng census na nagpapakita ng mga nakalimutang miyembro ng pamilya, o mga dokumentong militar na nagdedetalye ng serbisyo at sakripisyo.

Para sa marami, ang karanasang ito ay nagpapaigting ng pakiramdam ng pagkakakilanlan at pagiging kabilang. Sinasalamin din nito ang isang pangunahing paniniwala ng Ang Simbahan ni Jesucristo ng mga Banal sa mga Huling Araw: ang mga pamilya ay lubhang mahalaga. Ang mga henerasyon ng pamilya ay maaaring maging konektado ngayon—at sa pamamagitan ng mga tipan sa templo, ang mga miyembro ng pamilya ay maaaring magkasama-sama sa kawalang-hanggan.

Ang pagbisita sa at mga resource ng FamilySearch ay libre para sa lahat. Dalhin ang anumang impormasyong mayroon ka—kahit ang isang pangalan ay makakatulong sa iyo na kumonekta sa iyong family tree at sa pamilya ng Diyos.