Kasalukuyang sarado para sa renobasyon

Ang Conference Center ay malugod na tumatanggap ng sampu-sampung libong bisita sa malawak nitong awditoryum—natatangi dahil sa laki nito at unobstructed na mga sight line. Natapos noong 2000, ang gusaling ito na may makabagong arkitektura ay kayang magpaupo ng 21,000 katao at walang mga interior support column na humaharang sa mga sight line.

Dalawang beses sa isang taon, ang gusaling ito ay pinagdarausan ng mga sesyon ng pangkalahatang kumperensiya ng Ang Simbahan ni Jesucristo ng mga Banal sa mga Huling Araw, kung saan nagbabahagi ang mga lider ng mga inspiradong mensahe na nakasentro kay Jesucristo. Ang mga mensaheng ito ay isinasalin sa mahigit 100 wika at ibinibrodkast sa buong mundo, na nagtutulot sa mga tao sa lahat ng dako na makarinig ng mga salita ng pag-asa at kapayapaan.

Ang musika sa Conference Center ay nagpapasigla rin ng mga bisita. Ang Tabernacle Choir and Orchestra at Temple Square ay nagtatanghal dito sa mga sesyon ng kumperensiya at sa buong taon. Ang awditoryum ay naglalaman ng isang organo na may 7,000 pipa, at ang lugar ay pinagdarausan ng mga konsiyerto tulad ng Music & the Spoken Word at ng taunang Christmas with The Tabernacle Choir.

Sa iyong pagbisita, libutin ang mga eksibit na nagtatampok sa ministeryo ni Jesucristo, kasaysayan ng Salt Lake Temple, at pananampalataya ng mga Banal sa mga Huling Araw. Makakatuklas ka ng mga eskulturang tanso, sagradong likhang-sining, at isang replika ng estatwang Christus. Nag-aalok ang mga halamanan sa rooftop ng mga nakamamanghang tanawin ng Salt Lake City at ng Salt Lake Temple.