I-download ang Temple Square nga App
Anaa na karon. Ang app mao ang imong onsite nga giya alang sa pagpangita sa agianan, pagkuha og mga ticket, mga eskedyul, ug MKI.
Sulod sa usa ka Paglibot sa Templo
Gidugayon: 30 Minutos
Ang Sulod sa usa ka Paglibot sa Templo mao ang usa ka talagsaon nga oportunidad sa pagsuhid sa sagrado nga sulod sa templo sa Ang Simbahan ni Jesukristo sa mga Santos sa Ulahing mga Adlaw. Niining 30 ka minutos nga giniyahan nga kasinatian, ang mga bisita makakat-on mahitungod sa mga templo.
Samtang galakaw, ang mga naggiya mopasabot kon giunsa sa matag luna nagpunting ngadto ni Jesukristo. Ang mga templo dili ordinaryo nga mga bilding—kini mga balay sa Ginoo. Sa sulod, ang mga miyembro sa Simbahan maghimo og mga saad ngadto sa Dios, nga nakasentro sa pagsunod sa Manluluwas, nga nagdala og kalinaw, kusog, ug mahangturong panglantaw.
Ang paglibot nagdapit sa mga bisita sa pagsinati sa pagtahod ug katahom sa templo samtang nagkab-ot og panabot kon sa unsang paagi ang pagsimba dinhi makapalawom sa pagtuo ngadto ni Jesukristo. Labaw pa sa arkitektura, ang templo nagtanyag og mensahe sa paglaom: diha ni Kristo, ang mga indibidwal ug mga pamilya makakaplag og malungtarong kaipay, katuyoan, ug koneksyon sa Dios.
Samtang galakaw, ang mga naggiya mopasabot kon giunsa sa matag luna nagpunting ngadto ni Jesukristo. Ang mga templo dili ordinaryo nga mga bilding—kini mga balay sa Ginoo. Sa sulod, ang mga miyembro sa Simbahan maghimo og mga saad ngadto sa Dios, nga nakasentro sa pagsunod sa Manluluwas, nga nagdala og kalinaw, kusog, ug mahangturong panglantaw.
Ang paglibot nagdapit sa mga bisita sa pagsinati sa pagtahod ug katahom sa templo samtang nagkab-ot og panabot kon sa unsang paagi ang pagsimba dinhi makapalawom sa pagtuo ngadto ni Jesukristo. Labaw pa sa arkitektura, ang templo nagtanyag og mensahe sa paglaom: diha ni Kristo, ang mga indibidwal ug mga pamilya makakaplag og malungtarong kaipay, katuyoan, ug koneksyon sa Dios.
Mga Butang nga Mahimo sa Duol
- mga landmark
Sedro [Cedar] sa Lebanon
Gitanom niadtong 1949 gikan sa usa ka gamay nga semilya nga gidala gikan sa Middle East, kining sedro sa Lebanon nagpakita sa simbolo sa paglahutay nga anaa sa kasulatan. Gidapit niini ang mga bisita sa paghunahuna sa malungtarong kusog nga makita pinaagi ni Jesukristo.
- mga landmark
Unang Panan-awon ni Joseph Smith
Kini nga estatuwa naghulagway sa usa ka sagrado nga gutlo sa dihang si Joseph Smith nag-ampo ug gitubag sa Dios nga Amahan ug sa Iyang Anak, si Jesukristo. Kini nagtimaan sa sinugdanan sa gipahiuli nga ebanghelyo ug nagdapit sa mga bisita sa pagpamalandong sa pag-ampo ug personal nga giya gikan sa Dios.
- mga landmark
Si Kristo Nagpas-an sa Krus
Kini nga estatuwa nagpakita ni Jesukristo nga nagpas-an sa Iyang krus paingon sa Kalbaryo. Bisan pa man og nag-antos Siya sa kasakit ug pagsalikway, mitubag Siya uban ang kaluoy ug pagpasaylo. Kini nagpahinumdom kanato nga si Kristo andam nga mihatag sa Iyang kinabuhi alang sa katawhan, ug pinaagi Kaniya, kita makakaplag og kusog, kaluoy, ug walay kataposan nga paglaom.
- mga landmark
Si Kristo sa Getsemani
Didto sa Getsemani, si Jesukristo miluhod sa pag-ampo ug mipas-an sa kasakit, kasubo, ug mga sala sa kalibotan. Kining estatuwa nagpasidungog sa Iyang buhat sa gugma ug nagdapit sa pagpamalandong sa kalig-on, kalinaw, ug paglaom nga mapalgan pinaagi Kaniya.
- mga landmark
Pool sa Pagpamalandong [Reflection Pool]
Nahimutang sa sidlakang bahin sa Templo sa Salt Lake, ang Pool sa Pagpamalandong nagtanyag og malinawong lugar aron mohunong sa makadiyot. Ang malinawon nga ibabaw niini nagpakita sa templo, nga nagdapit sa mga bisita sa pagpamalandong sa kalinaw ug kalig-on nga makita pinaagi ni Jesukristo.
MKI
Hibaloi sa Dili Ka Moadto
Sugdan na ang selebrasyon!
Apil kanamo alang sa usa ka dili malimtan nga kasinatian gikan sa Abril 5 hangtod Oktubre 1, 2027. Girekomendar ang mga pagpareserba aron sa pag-tour sa Salt Lake Temple Open House.