I-download ang Temple Square nga App
Anaa na karon. Ang app mao ang imong onsite nga giya alang sa pagpangita sa agianan, pagkuha og mga ticket, mga eskedyul, ug MKI.
Babaye diha sa Atabay
Hapit na. Mahimo nang tan-awon sa Tinglarag 2026.
Ang Babaye diha sa Atabay nga estatuwa nagpakita sa usa ka makahuloganon nga asoy gikan sa Ebanghelyo ni Juan. Samtang nagbiyahe si Jesukristo agi sa Samaria, mihunong Siya sa usa ka atabay ug nakigsulti sa usa ka babayeng Samarianhon, nagtanyag kaniya og “buhi nga tubig” nga mogiya ngadto sa kinabuhing dayon.
Atol sa ilang panagsulti, gipadayag ni Kristo nga Siya mao ang Mesiyas—ang Manluluwas sa kalibotan. Ang babaye mituo Kaniya ug gibiyaan ang iyang banga aron ipakigbahin ang iyang kasinatian sa uban. Tungod sa iyang pagpamatuod, daghan ang miadto aron sila mismo maminaw kang Jesukristo.
Ang estatuwa nagpakita kon sa unsang paagi ang hugot nga pagtuo ngadto ni Kristo makapabag-o sa usa ka yano, adlaw-adlaw nga gutlo ngadto sa usa ka makapausab sa kinabuhi nga kasinatian nga puno sa paglaom ug pagbag-o.
Ang Babaye diha sa Atabay nga estatuwa nagpakita sa usa ka makahuloganon nga asoy gikan sa Ebanghelyo ni Juan. Samtang nagbiyahe si Jesukristo agi sa Samaria, mihunong Siya sa usa ka atabay ug nakigsulti sa usa ka babayeng Samarianhon, nagtanyag kaniya og “buhi nga tubig” nga mogiya ngadto sa kinabuhing dayon.
Atol sa ilang panagsulti, gipadayag ni Kristo nga Siya mao ang Mesiyas—ang Manluluwas sa kalibotan. Ang babaye mituo Kaniya ug gibiyaan ang iyang banga aron ipakigbahin ang iyang kasinatian sa uban. Tungod sa iyang pagpamatuod, daghan ang miadto aron sila mismo maminaw kang Jesukristo.
Ang estatuwa nagpakita kon sa unsang paagi ang hugot nga pagtuo ngadto ni Kristo makapabag-o sa usa ka yano, adlaw-adlaw nga gutlo ngadto sa usa ka makapausab sa kinabuhi nga kasinatian nga puno sa paglaom ug pagbag-o.
Mga Butang nga Mahimo sa Duol
- paglibot
Sulod sa usa ka Paglibot sa Templo
Kining 30 ka minutos nga giniyahan nga paglibot nagsuhid sa sagrado nga mga lawak sa templo diin ang mga magsisimba makakat-on sa plano sa Dios ug mohimo og mga saad nga nakasentro ni Jesukristo. Niining malinawong palibot, madiskobrehan sa mga bisita kon giunsa sa templo pagdala og kusog, paglaom, ug malungtarong koneksyon ngadto Kaniya.
- mga landmark
Lima ka Maalamong mga Birhen
Kini nga estatuwa nagrepresentar sa sambingay ni Jesukristo sa napulo ka mga birhen—lima ang andam nga adunay lana alang sa ilang mga lampara ug lima ang wala. Nagdapit kini sa pagpamalandong kon sa unsang paagi ang hugot nga pagtuo ngadto ni Kristo magdala og kahayag, kalig-on, ug kalinaw kon motumaw ang mga hagit sa kinabuhi.
- mga landmark
Sedro [Cedar] sa Lebanon
Gitanom niadtong 1949 gikan sa usa ka gamay nga semilya nga gidala gikan sa Middle East, kining sedro sa Lebanon nagpakita sa simbolo sa paglahutay nga anaa sa kasulatan. Gidapit niini ang mga bisita sa paghunahuna sa malungtarong kusog nga makita pinaagi ni Jesukristo.
- mga landmark
Pool sa Pagpamalandong [Reflection Pool]
Nahimutang sa sidlakang bahin sa Templo sa Salt Lake, ang Pool sa Pagpamalandong nagtanyag og malinawong lugar aron mohunong sa makadiyot. Ang malinawon nga ibabaw niini nagpakita sa templo, nga nagdapit sa mga bisita sa pagpamalandong sa kalinaw ug kalig-on nga makita pinaagi ni Jesukristo.
- mga landmark
Si Kristo ug ang Mga Bata
Kini nga estatuwa naghulagway ni Jesukristo human sa Iyang Pagkabanhaw, nagdapit sa mga bata sa karaang Amerika sa pagduol ngadto Kaniya. Gipanalanginan Niya sila tagsa-tagsa ug nag-ampo alang kanila, nagpakita sa Iyang gugma alang sa tanang mga bata ug sa kalinaw ug kalipay nga makita pinaagi sa hugot nga pagtuo diha Kaniya.
MKI
Hibaloi sa Dili Ka Moadto
Sugdan na ang selebrasyon!
Apil kanamo alang sa usa ka dili malimtan nga kasinatian gikan sa Abril 5 hangtod Oktubre 1, 2027. Girekomendar ang mga pagpareserba aron sa pag-tour sa Salt Lake Temple Open House.