Skip to main content
Ang mga pagpareserba aron sa pag-tour sa Salt Lake Temple ABLI NA KARON.
Kuhaa Ang App
Salt Lake Temple

Mga Pagpareserba ug Pagkuha og Tiket para sa Selebrasyon

Ayaw palabya ang bisan unsang gutlo sa pagplano alang sa makasaysayanong Selebrasyon sa Salt Lake Temple sa Abril 5 - Oktubre 1, 2027.

Pagkuha og Tiket sa Salt Lake Temple


Nahibaloan namo nga daghang tawo ang naghinam-hinam nga motambong ug molibot atol sa Salt Lake Temple Open House. Andam kami nga himoon kini nga usa ka positibo ug hapsay nga kasinatian para sa tanan.

Dili kinahanglan ang mga pagpareserba para sa Selebrasyon sa Salt Lake Temple. Ang tanang bisita gidapit sa pag-apil kanamo sa Temple Square bisan unsang orasa atol sa selebrasyon - Abril 5 hangtod Oktubre 1, 2027 - para sa daghang mga kasinatian, mga paglibot, mga bidyo, mga pasundayag ug mga kalihokan.

Girekomendar ang pagpareserba alang sa Salt Lake Temple Open House Tour atol sa selebrasyon. Limitado ang mga tiket sa wala magpareserba ug ibase sa unang moabot, unang serbisyohan.
Event QR code ticket scanning before beginning of business conference

Mga Pagpagawas sa Tiket

Samtang andamon ang Temple Square sa pag-abiabi sa kalibotan, panahon na nimo kini nga mangandam sa pagpareserba. Ang mga tiket ipanghatag pinaagi sa mga batch sa tibuok nga panahon sa pagparehistro. Kon dili ka makakuha og mga tiket para sa adlaw o oras nga imong gilaoman, ayaw kabalaka. Dugang mga tiket ang available sa umaabot nga mga pagpagawas. Apil sa among listahan sa mga notipikasyon sa email ug sunda kami sa social media aron mahimong una nga makahibalo kon kanus-a adunay available nga mga bag-ong tiket.

Mga Detalye sa Pagpareserba

Gidapit ang tanan sa pagtambong sa selebrasyon. Kini nga mga sugyot makatabang sa mga bisita sa pagplano alang sa 2027.

  • Salt Lake City Temple

    Pila ka Tiket ang Mahimong Ipareserba sa usa ka Higayon?

    Ang matag bisita makahimo sa pagpareserba hangtod 6 ka tiket atol sa matag pagpanghatag og tiket.

  • Family on Temple Square: Looking at Statue

    Sugod sa Septiyembre 1, 2026

    Pagpanghatag og Tiket sa Grupo

    Kon nagkinahanglan ka og mga tiket para sa mga grupo nga mas daghan sa 6 (mga reunion sa pamilya, mga grupo sa simbahan, ug uban pa), isumiter ang porma sugod sa Septyembre 1, 2026.

  • Pictures taken during the 187th Semi-Annual General Conference. Young women smile and stand outside the Conference Center on a raining October morning.

    Aduna bay Tawo nga Mosusi sa Akong Tiket?

    Oo. Among i-scan ang tanang tiket pag-abot sa Salt Lake Temple Open House Tour.

  • Temple Square Visitors' Center: Christus Statue

    Moabot nga Walay Pagpareserba?

    Kon moabot ka, pangita og katabang aron makakuha og limitado nga gidaghanon sa mga stand-by ticket para sa sunod nga kini moabli.

Available Atol sa Matag Paglibot

Akomodasyon sa Paglibot

Available ang mosunod nga mga akomodasyon atol sa matag paglibot aron matabangan ang mga bisita nga makaangkon og komportable ug makahuloganon nga kasinatian. Palihog ipahibalo sa imong host kon ikaw o ang usa ka tawo sa imong grupo makabenepisyo sa bisan hain sa mosunod nga mga akomodasyon.

Suporta sa Pinulongan

Adunay tabang sa pinulongan ug mga gihubad nga materyales nga magamit aron matabangan ang mga bisita nga moapil sa paglibot.

Maglisod sa Pagdungog

Ang mga opsiyon sa teknolohiya alang sa maayong pagpaminaw ug uban pang akomodasyon mahimong gamiton aron masuportahan ang mga bisita nga maglisod sa pagdungog.

Limitado nga Abilidad sa Paglihoklihok

Ang puweding agian nga mga rota ug mga akomodasyon alang sa kasayon sa paglihoklihok mapahimuslan ra sa mga bisita nga nanginahanglan og mga rota nga dili moagi og hagdanan.

Gagmay nga mga Bata

Adunay mga akomodasyon sa paglibot gamit ang audio nga mapahimuslan aron masuportahan ang mga panginahanglan ug kahupayan sa mas batan-ong mga bisita.

Usa ka Kasinatian para sa Tanan

Espesyal nga mga Paglibot

Ang espesyal nga mga paglibot available mga bisita nga adunay pihong mga panginahanglan sa sayon nga mga agianan. Kon ikaw o usa sa imong grupo makabenepisyo gikan sa usa niini nga mga paglibot, palihog tan-awa ang eskedyul sa ubos para sa available nga mga petsa ug oras. Kining tulo ka matang sa espesyal nga mga paglibot available gikan sa Mayo hangtod Septiyembre.

Paglibot alang sa mga Bungol (ASL)


Sinatia ang paglibot uban sa tigpaila sa American Sign Language (ASL) nga mohatag og interpretasyon ug giya sa tibuok templo.

  • Unang Lunes sa bulan: alas 10:00 sa buntag
  • Ikaduhang Martes sa bulan: alas 8:00 sa gabii
  • Ikatulong Huwebes sa bulan: 11:00 sa buntag
Two young women walk on the grounds of the temple. They are using sign language together.

Paglibot alang sa mga Buta ug Dili Kaayo Makakita


Pinaagi sa mga kasinatian nga mahikap ug mahulagwayon kaayo nga istorya, kini nga paglibot makatabang sa paghatag og kinabuhi sa palibot alang sa mga bisita nga buta o dili kaayo makakita.

  • Unang Lunes sa bulan, alas 11:00 sa buntag
  • Ikaduhang Martes sa bulan: alas 7:00 sa gabii
  • Ikatulong Huwebes sa bulan, alas 2:00 sa hapon
Walking Out of the Temple

Paglibot alang sa mga Lahi og Panabot


Gitanyag pinaagi sa usa ka maabiabihon ug masinabtanon nga kahimtang, kini nga paglibot modawat sa lainlaing mga panginahanglanon sa pamalatian, komunikasyon, ug mga panginahanglan sa pagkat-on samtang maghatag og dugang nga oras alang sa pagsalmot ug pag-apil.

  • Unang Lunes sa bulan, 12:00 sa udto
  • Ikaduhang Martes sa bulan: 6:00 sa gabii
  • Ikatulong Huwebes sa bulan, alas 3:00 sa hapon
Family life

Mga Kanunayng Ipangutana

Pagplano alang sa Selebrasyon

Ang mga pagpareserba available sa Septiyembre 1, 2026. Mahinamon kami nga moabi-abi kanimo sa Temple Square atol sa Selebrasyon sa Salt Lake Temple.

  • Unsa ang eskedyul sa Open House Tours?

    Ang mga paglibot available, Abril 5–Oktubre 1, 2027, ug gikatakda gikan sa alas 8:40 sa buntag hangtod alas 8:00 sa gabii.

  • Wala koy makita nga available nga mga tiket. Unsay akong buhaton?

    Palihog susiha og balik kanunay. Mahimong adunay available nga mga tiket kon usbon o iuli sa mga bisita ang ilang pagpareserba. Mahimo usab nimo nga bantayan ang sunod nga bag-ong mga tiket, kon kanus-a ang dugang nga mga pagpareserba idugang. Ang pagkuha og mga tiket nianang adlawa mismo ibase sa unang moabot, unang serbisyohan.

  • Unsaon man kon kinahanglan nakong ilisan o ibalik ang akong tiket?

    Mahimo nimong ibalik o usbon ang imong pagpareserba diha sa sistema sa pagkuha og tiket. Kon nasayod ka nga dili nimo magamit ang imong mga tiket, palihog iuli kini aron ang ubang mga bisita adunay higayon nga makatambong.

  • Mahimo bang moapil ang mga bata sa paglibot?

    Oo! Usa ka espesyal nga bersyon sa audio tour alang sa mga bata mahimong available aron ang mas bata nga mga bisita makasabot ug malingaw sa kasinatian.

Salt Lake Temple

Motabang sa Pag-abiabi sa Kalibotan

Ang Selebrasyon sa Salt Lake Temple usa ka imbitasyon sa tanang anak sa Dios sa paglipay diha ni Jesukristo. Manghinaot mi nga ang matag bisita mobati nga giabiabi, gihinumdoman, ug gilakip. Samtang magpareserba ka og mga tiket, palihog pilia lang ang gidaghanon sa mga tiket nga imong gikinahanglan ug iuli ang mga tiket nga dili na nimo magamit. Kining yano nga buhat sa konsiderasyon makatabang sa paghatag og luna alang sa uban aron makasinati sa Salt Lake Temple.