Niining giniyahan nga paglibot sa Sentro sa Humanitarian, imong mahibaloan kon giunsa sa mga tawo pagpalambo sa ilang kahanas sa trabaho pinaagi sa usa ka gibayaran nga programa sa pagbansay nga gidisenyo aron madasig ang pagbarog pinaagi sa kinaugalingong pagpaningkamot. Daghang mga partisipante ang bag-o sa nasod, nangita og kapasilongan, o nagkuha og kasinatian aron maandam alang sa umaabot nga trabaho.

Tan-awa kon giunsa pagbahig, pag-recycle, ug pag-andam ang mga gidonar nga butang gikan sa Deseret Industries para sa humanitarian nga paggamit. Makita usab nimo ang mga volunteer nga nag-asembol og mga quilt ug humanitarian nga mga kit nga giapod-apod agig tubag sa mga panginahanglanon sa emerhensiya.

Isip kabahin sa paglibot, gidapit ka sa pagpundok og humanitarian kit sa imong kaugalingon—nga nagtanyag og personal nga pamaagi sa pag-apil sa pagtulun-an sa Manluluwas nga “higugmaa ang imong isigkatawo sama sa imong kaugalingon” (Mateo 22:39). Makakat-on usab ikaw bahin sa JustServe, usa ka online nga platform nga nagkonektar sa mga tawo sa lokal nga mga oportunidad sa serbisyo. Ang mga paglibot molungtad og halos usa ka oras.