Ang Balay sa mga Deuel nga Hinimo sa Troso usa sa duha na lang ka nahibiling mga panimalay nga gitukod sa mga pioneer nga mga Santos sa Ulahing mga Adlaw atol sa ilang unang tuig sa Walog sa Salt Lake. Gitukod niadtong 1847 ni Osmyn ug Mary Deuel ug sa igsoon ni Osmyn nga si Amos, ang gamay nga panimalay nga troso naghatag og talagsaon nga panglantaw sa adlaw-adlaw nga kinabuhi sa unang mga lumulupyo.

Gitukod gamit ang lokal nga kahoy ug giandam aron mosalamin sa maong panahon, ang balay nga troso naghulagway sa kayano ug mapaninguhaon nga kinabuhi sa mga pioneer. Si Osmyn Deuel nagtrabaho isip tigbuhat og butang gamit ang puthaw [blacksmith] ug mag-uuma, ug ang pamilya dali nga nagsugod sa pagtanom ug pagtukod og panimalay sa dili pamilyar nga walog. Bisan gamay ra ang gidak-on, ang balay nga troso maoy nagpanalipod sa kinabuhi sa pamilya ug sa mga paglaom sa mga tawo nga nagtrabaho aron sa pagtukod og bag-ong komunidad nga nakasentro sa pagtuo diha ni Jesukristo.

Karon, ang gipahiuli nga balay nga troso nahimutang taliwala sa Museyo sa Kasaysayan sa Simbahan ug sa Librarya sa FamilySearch. Ang balay nga troso dili pasudlan, apan ang mga bisita makakita sa sulod pinaagi sa usa ka tin-aw nga pultahan.