Ang estatuwa sa Pagpahiuli sa mga Yawe sa Pagselyo nagsaulog sa usa ka panghitabo niadtong 1836, sa dihang si propeta Elijah nagpakita sa Templo sa Kirtland ngadto nila ni Joseph Smith ug Oliver Cowdery. Gipahiuli ni Elijah ang gahom sa pagselyo, ang awtoridad sa Dios sa pagbugkos dinhi sa yuta ug didto sa langit.

Ubos sa direksyon ni Kristo, kining gahom sa pagkapari nagselyo sa mga kaminyoon ug mga pamilya alang sa kahangtoran diha sa mga templo. Kini usa ka importante nga bahin sa plano sa Langitnong Amahan, aron ang mga kaminyoon, ug mga relasyon sa pamilya dili matapos sa kamatayon.

Kining estatuwa nagdapit sa pagpamalandong sa plano sa Dios alang sa mga pamilya. Kini nagbarog isip usa ka simbolo sa paglaom, pagkahisakop, ug sa pagtuo nga pinaagi ni Jesukristo, ang labing makahuloganon nga mga koneksyon sa kinabuhi magpadayon hangtod sa kahangtoran.