I-download ang Temple Square nga App
Available na karon. Ang app mao ang imong onsite nga giya alang sa pagpangita sa agianan, pagkuha og mga tiket, mga eskedyul, ug MKI.
Pioneer nga mga Elm
Ang Pioneer nga mga Elm gitanom niadtong mga 1888 isip kabahin sa orihinal nga talan-awon nga naglibot sa Salt Lake Tabernacle. Paglabay sa panahon, kini mitubo ngadto sa habog nga mga kahoy nga adunay lapad nga mga kalandongan ug lig-on nga mga punoan, nga nahimong malungtarong bahin sa Temple Square.
Ang mga natural nga bangag, mga buhol, ug mga liko-liko diha sa mga punoan niini nga mga kahoy nagpakita sa mga dekada sa pagtubo ug panahon, nga nagdapit sa mga bisita sa paghanduraw sa daghang katuigan nga ilang gibantayan kining makasaysayanon ug sagrado nga lugar.
Kini nga mga kahoy labaw pa sa bahin sa talan-awon. Kini nagrepresentar sa kakugi ug panan-awon sa unang mga lumulupyo nga nagtanom niini uban ang paglaom alang sa umaabot. Karon, ang Pioneer nga mga Elm nagpahinumdom sa mga bisita nga ang hugot nga pagtuo, pailob, ug pag-atiman makamugna og katahom nga molungtad sa tanang henerasyon.
Ang mga natural nga bangag, mga buhol, ug mga liko-liko diha sa mga punoan niini nga mga kahoy nagpakita sa mga dekada sa pagtubo ug panahon, nga nagdapit sa mga bisita sa paghanduraw sa daghang katuigan nga ilang gibantayan kining makasaysayanon ug sagrado nga lugar.
Kini nga mga kahoy labaw pa sa bahin sa talan-awon. Kini nagrepresentar sa kakugi ug panan-awon sa unang mga lumulupyo nga nagtanom niini uban ang paglaom alang sa umaabot. Karon, ang Pioneer nga mga Elm nagpahinumdom sa mga bisita nga ang hugot nga pagtuo, pailob, ug pag-atiman makamugna og katahom nga molungtad sa tanang henerasyon.
Mga Butang nga Mahimo sa Duol
- mga landmark
Gidawat ni Joseph Smith ang mga Palid
Kini nga estatuwa naghulagway sa langitnong mensahero, si Moroni, nga naghatod sa karaang mga palid ngadto ni Joseph Smith. Ang rekord naglangkob sa mga pagtulun-an sa mga propeta nga nagpuyo sa karaang Amerika kinsa nagpamatuod ni Jesukristo. Gihubad ni Joseph Smith ang mga palid pinaagi sa gasa ug gahom sa Dios. Nailhan kini nga Ang Basahon ni Mormon ug nagdapit sa tanan sa pagkat-on bahin ni Kristo ug pagpaduol ngadto Kaniya.
- mga landmark
Monumento sa Kanaway [Seagull Monument]
Niadtong 1848, ang mga pioneer nag-ampo samtang ang mga kuliglig naghulga sa ilang mga pananom. Miabot ang mga kanaway ug giluwas ang ani. Kining monumento naghinumdom nianang higayona ug nagpakita sa pagtuo nga ang Dios maminaw sa mga pag-ampo ug mosuporta sa Iyang mga anak pinaagi ni Jesukristo.
- mga landmark
Si Kristo uban ni Maria ug Marta
Kini nga estatuwa nagpakita ni Jesukristo nga nagtudlo kang Maria ug Marta. Samtang nagserbisyo si Marta ug naminaw si Maria, malumo Niyang gitudlo nga ang pagkat-on gikan Kaniya mao ang labing gikinahanglan. Nagdapit kini kanato sa pagkonsiderar kon unsaon nato sa pag-una si Jesukristo ug pagpangita og kalinaw ug kalipay pinaagi sa pagpalig-on sa pagtuo ngadto Kaniya.
- eksibit
Entablado sa Selebrasyon
Ang Entablado sa Selebrasyon nagpakita sa makapadasig nga mga pasundayag nga nakasentro kang Jesukristo ug sa kalipay nga makaplagan sa pagsunod Kaniya. Pinaagi sa musika, sayaw, ug pagsaysay sa istorya, gidapit ka sa pagsaulog sa pagtuo.
- eksibit
Mga Presentasyon sa Salt Lake Tabernacle Dome
Dali ug sauloga ang milagroso nga kinabuhi ni Jesukristo — gikan sa Iyang pagkatawo hangtod sa Iyang pagpangalagad, maulaong sakripisyo, ug mahimayaong Pagkabanhaw — nga gisulti pinaagi sa matahom nga musika sa pagsimba. Gipakita diha sa simboryo nga kisame sa Salt Lake Tabernacle, kini nga produksiyon naghiusa sa musika, kahayag, kasaysayan, ug biswal nga pagsaysay sa istorya.
MKI
Hibaloi sa Dili Ka Moadto
Sugdan na ang selebrasyon!
Apil kanamo alang sa usa ka dili malimtan nga kasinatian gikan sa Abril 5 hangtod Oktubre 1, 2027. Girekomendar ang mga pagpareserba aron sa pag-tour sa Salt Lake Temple Open House.