Ang Isaias 2:2 nga Monumento nagbarog sa plasa duol sa Bilding sa Opisina sa Simbahan, sidlakan lang sa Temple Square. Ang bato gikulitan sa mga pulong gikan sa propeta sa Daang Tugon nga si Isaias: “Sa umaabot nga mga adlaw ang bukid diin nahimutang ang Templo mahimong labing habog sa tanan; molabaw kini sa kabungtoran.”

Alang sa mga Santos sa Ulahing mga Adlaw, kini nga kasulatan nasabtan nga nagtumong sa mga templo nga gitukod sa ulahing mga adlaw, lakip ang Templo sa Salt Lake, nga nagbarog duol sa tiilan sa Wasatch Mountains.

Ang mga templo gitawag og mga balay sa Ginoo agig pasidungog ni Jesukristo. Siya ang sentro sa pagsimba sa templo ug ang Iyang ebanghelyo nagdapit sa mga tawo gikan sa matag nasod sa pag-anhi, pagkat-on, ug pagpangita og kalinaw diha Kaniya.