Mga Hardin sa Atop sa Sentro sa Komperensiya
Lisod tuohan nga ang Mga Hardin sa Atop sa Sentro sa Komperensiya nahimutang sa ibabaw sa usa sa labing dakong mga bilding sa siyudad. Kining habog nga berde nga luna (hapit tulo ka ektarya!) nagpahinumdom sa natural nga mga talan-awon sa Utah ug naghatag sa mga bisita og lugar aron mapasalamatan ang katahom sa paglalang.
Ang mga hardin adunay lain-laing klase sa nitibo nga mga sagbot, ihalas nga mga bulak, ug mga kahoy, nga gipili aron ipakita ang naglibot nga mga bukid ug walog sa disyerto. Ang nagaagay nga tubig nakadugang sa talan-awon ug sa tunog sa luna [soundscape]. Ang espesyal og gaan nga mga materyales sa pagtanom nagtugot sa mga kahoy, mga tugkaran, ug mga hardin nga molambo niining atop nga lugar.
Abli alang sa kaugalingong-giya sa eksplorasyon [self-guided exploration] ug giniyahan nga mga pagsuroy, ang Mga Hardin sa Atop sa Sentro sa Komperensiya nagdapit og talagsaong talan-awon sa Temple Square ug sa kasikbit nga siyudad.
Mga Butang nga Mahimo sa Duol
- landmark
Dali, Sunod Kanako
Kini nga estatuwa nagpahinumdom sa dihang gitawag ni Jesukristo sila si Pedro ug Andres sa pagsunod Kaniya, nga nagsaad nga himoon silang “mga mananagat og mga tawo.” Ang ilang pagpili nga biyaan ang tanan nagpahinumdom kanato nga ang pagsunod ngadto ni Kristo magdala og malungtarong kalipay, katuyoan, ug kalinaw samtang kita maglakaw diha sa Iyang dalan.
- landmark
Unang Panan-awon ni Joseph Smith
Kini nga estatuwa naghulagway sa usa ka sagrado nga gutlo sa dihang si Joseph Smith nag-ampo ug gitubag sa Dios nga Amahan ug sa Iyang Anak, si Jesukristo. Kini nagtimaan sa sinugdanan sa gipahiuli nga ebanghelyo ug nagdapit sa mga bisita sa pagpamalandong sa pag-ampo ug personal nga giya gikan sa Dios.
- tour
Sulod sa usa ka Paglibot sa Templo
Kining 30 ka minutos nga giniyahan nga paglibot nagsuhid sa sagrado nga mga lawak sa templo diin ang mga magsisimba makakat-on sa plano sa Dios ug mohimo og mga saad nga nakasentro ni Jesukristo. Niining malinawong palibot, madiskobrehan sa mga bisita kon giunsa sa templo pagdala og kusog, paglaom, ug malungtarong koneksyon ngadto Kaniya.
- landmark
Lima ka Maalamong mga Birhen
Kini nga estatuwa nagrepresentar sa sambingay ni Jesukristo sa napulo ka mga birhen—lima ang andam nga adunay lana alang sa ilang mga lampara ug lima ang wala. Nagdapit kini sa pagpamalandong kon sa unsang paagi ang hugot nga pagtuo ngadto ni Kristo magdala og kahayag, kalig-on, ug kalinaw kon motumaw ang mga hagit sa kinabuhi.
- landmark
Pagpahiuli sa mga Yawe sa Pagselyo
Niini nga eksena, ang propeta sa Daang Tugon nga si Elijah nagpakita ngadto nila ni Joseph Smith ug Oliver Cowdery. Iyang gipahiuli ang gahom sa pagselyo sa pagkapari ngadto kanila aron, pinaagi ni Jesukristo, ang mga kaminyoon ug mga pamilya magpadayon sa kahangtoran uban ang kalinaw ug kalipay.
MKI
Hibaloi sa Dili Ka Moadto
Let the celebration begin!
Join us for an unforgettable experience April 5 to October 1, 2027. Everyone is welcome. Reservations are recommended to tour the Salt Lake Temple Open House.