Ang Estatuwa ni Brigham Young nagbarog sa Temple Square sa sentro sa downtown sa Siyudad sa Salt Lake. Ang nakasentro nga estatuwa nagpasidungog ni Brigham Young, kanhi propeta ug presidente sa Ang Simbahan ni Jesukristo sa mga Santos sa Ulahing mga Adlaw, kinsa nangulo sa mga pioneer ngadto sa Salt Lake Valley niadtong 1847.

Naglibot sa nakasentro nga pigura, ang monumento adunay dugang nga mga kinulit nga nagpalapad sa istorya. Usa ka Lumad nga Amerikano nga pigura ug usa ka tiglit-ag og mananap alang sa balhibo nagrepresentar sa mga tawo nga nagpuyo ug mibalhin sa rehiyon sa wala pa miabot ang mga pioneer. Usa ka relief panel nga naghulagway sa usa ka pamilyang pioneer nga nagpakita sa adlaw-adlaw nga kasinatian sa pagpuyo, samtang ang mga pulong nga gikulit naglista sa mga miyembro sa orihinal nga grupo sa mga pioneer ug sa mga himan nga ilang gidala.

Gihimo sa eskultor nga si Cyrus Edward Dallin, ang monumento gipakita niadtong 1893 atol sa Chicago World’s Fair. Karon kini usa ka pahinumdom sa hugot nga pagtuo ug paglaom sa daghang tawo nga konektado sa nahaunang kasaysayan sa Siyudad sa Salt Lake.