Usa ka natural nga sinugdanan alang sa daghang mga bisita, ang Sentro alang sa mga Bisita sa Temple Square nagtabang sa mga tawo sa tanang matang sa kagikan nga masabtan kon unsa ang mga templo ug nganong importante kini. Dinhi, ang mga bisita makakat-on mahitungod ni Jesukristo, sa plano sa Dios alang sa Iyang mga anak, ug sa papel nga gidala sa mga templo sa pagtabang sa mga indibidwal ug mga pamilya nga mas maduol Kaniya.

Ang mga eksibit, artwork, ug mga presentasyon nagtanyag og mga oportunidad sa pagpangutana, pagpamalandong, ug pagdiskobre kon sa unsang paagi ang mga pagtulun-an sa templo konektado sa adlaw-adlaw nga kinabuhi.

Nahimutang sa ubos nga andana sa sentro sa mga bisita, ang Sulod sa usa ka Paglibot sa Templo naghatag og talagsaon nga oportunidad nga makita ang mga sulod sa templo—mga kwarto nga dili na bukas sa publiko kon ang usa ka templo gipahinungod na. Kining paglibot pinaagi sa paglakaw [walking tour] nagpatin-aw kon unsay mahitabo sulod sa balay sa Ginoo ug nganong gihatagan og dakong bili sa mga Santos sa Ulahing mga Adlaw ang pagsimba sa templo.