I-download ang Temple Square nga App
Available na karon. Ang app mao ang imong onsite nga giya alang sa pagpangita sa agianan, pagkuha og mga tiket, mga eskedyul, ug MKI.
Assembly Hall sa Salt Lake
Ang Assembly Hall sa Salt Lake nahimutang sa habagatang-kasadpan nga dapit sa Temple Square. Nahuman niadtong 1882, kining Gothic Revival nga bilding gitukod gamit ang bato gikan sa samang kubkubanan sa bato sama sa Templo sa Salt Lake, nga nagsumpay sa duha ka bilding sa kasaysayan ug katuyoan.
Ang Assembly Hall nagsilbing usa ka matahom ug gidayan-dayanan pag-ayo nga dapit nga tigomanan alang sa mga kongregasyon sa mga Santos sa Ulahing mga Adlaw ug mga kalihokan sa komunidad. Ang mga mural sa kisame nagpakita gayod sa importanteng mga talan-awon gikan sa kasaysayan sa Simbahan, ug ang mga hinimo sa kahoy gipintalan aron mahisama sa marmol.
Ang Assembly Hall adunay usa ka impresibong organ. Ang 3,489 ka tubo niini mipuno sa kwarto og tunog, samtang ang kahon niini gidayan-dayanan og mga simbolo nga makahuluganon sa mga Santos sa Ulahing mga Adlaw, lakip ang mga balay sa putyokan, trigo, ug sego lilies.
Ang Assembly Hall nagsilbing usa ka matahom ug gidayan-dayanan pag-ayo nga dapit nga tigomanan alang sa mga kongregasyon sa mga Santos sa Ulahing mga Adlaw ug mga kalihokan sa komunidad. Ang mga mural sa kisame nagpakita gayod sa importanteng mga talan-awon gikan sa kasaysayan sa Simbahan, ug ang mga hinimo sa kahoy gipintalan aron mahisama sa marmol.
Ang Assembly Hall adunay usa ka impresibong organ. Ang 3,489 ka tubo niini mipuno sa kwarto og tunog, samtang ang kahon niini gidayan-dayanan og mga simbolo nga makahuluganon sa mga Santos sa Ulahing mga Adlaw, lakip ang mga balay sa putyokan, trigo, ug sego lilies.
Mga Butang nga Mahimo sa Duol
- mga landmark
Pagpahiuli sa Melchizedek nga Pagkapari
Kini nga estatuwa nagtimaan sa 1829 nga pagpahiuli sa awtoridad sa pagkapari sa dihang sila si Pedro, Santiago, ug Juan nagpakita ngadto nila ni Joseph Smith ug Oliver Cowdery. Kini nagpamatuod sa pagtuo nga si Jesukristo mipahiuli sa Iyang ebanghelyo ug sa Iyang gahom aron sa pagpanalangin sa mga anak sa Dios.
- mga landmark
Pagpahiuli sa Aaronic nga Pagkapari
Kini nga estatuwa naghulagway kang Juan Bautista nga nagpakita ngadto kang Joseph Smith ug Oliver Cowdery niadtong 1829. Iyang gipahiuli ang Aaronic nga Pagkapari, ang samang awtoridad nga iyang gigamit sa pagbunyag ni Jesukristo. Nagpahinumdom kini kanato nga ang gahom ni Kristo sa pagpanalangin, paglimpyo, ug paggiya napahiuli na sa yuta.
- eksibit
Entablado sa Selebrasyon
Ang Entablado sa Selebrasyon nagpakita sa makapadasig nga mga pasundayag nga nakasentro kang Jesukristo ug sa kalipay nga makaplagan sa pagsunod Kaniya. Pinaagi sa musika, sayaw, ug pagsaysay sa istorya, gidapit ka sa pagsaulog sa pagtuo.
- mga landmark
Monumento sa Kanaway [Seagull Monument]
Niadtong 1848, ang mga pioneer nag-ampo samtang ang mga kuliglig naghulga sa ilang mga pananom. Miabot ang mga kanaway ug giluwas ang ani. Kining monumento naghinumdom nianang higayona ug nagpakita sa pagtuo nga ang Dios maminaw sa mga pag-ampo ug mosuporta sa Iyang mga anak pinaagi ni Jesukristo.
- eksibit
Tindahan sa Museyo sa Kasaysayan sa Simbahan
Nahimutang sulod sa Museyo sa Kasaysayan sa Simbahan, kini nga tindahan nagtanyag og mga libro, alahas, mga printa sa art, ug mga souvenir nga konektado sa kasaysayan ug pagtuo sa Ang Simbahan ni Jesukristo sa mga Santos sa Ulahing mga Adlaw.
MKI
Hibaloi sa Dili Ka Moadto
Sugdan na ang selebrasyon!
Apil kanamo alang sa usa ka dili malimtan nga kasinatian gikan sa Abril 5 hangtod Oktubre 1, 2027. Girekomendar ang mga pagpareserba aron sa pag-tour sa Salt Lake Temple Open House.